1- السواي ماحداس.
2- الضو ما بقلولو سو.
3- النعيم من عشو زوزاي.
4- الصابرات روابح ولو يجن قماح.
5- الصبر مفتاح الفرج.
6-الماء البارد بقد السقي.
7- البتشبح بتظهر عاريتو.
8- مد كراعك قدر لحافك.
9- ملاحي في ناري وعيني في جاري.
10- الضايق عضة الدبيب يخاف مجر الحبل.
11- أسال مجرب لا تسال طبيب.
12- القلم مابزيل بلم.
13- القصير يا حكمة يا فتنة.
14- الطول فاقة والقصر عاقة.
15- كل طويل لا يخلو من هبل.
16- الطول عز.
17- كلام القصير مابنسمع.
18- العترة بتصلح المشي.
19- العارف عزو مستريح.
20- واثق الخطي يمشي ملكآ.
21- العارف عزو مستريح.
22 العود لو مافيه شق ما بيقول طق.
23مافي دخان بدون نار.
24- البعر دليل البعير والسير دليل المسير.
25- كلو عند العرب صابون.
26- كل السمك ريحتو واحدة.
27- حكم ابو تكو.
28- حكم قرقوش.
29- الأسد لمن يعجز الغنماية تلحس قفاه.
30- أذا كان رب البيت للدف ضارب كان شيمة اهل البيت الرقيص.
31- الكوك بيظهر في المخادة.
32- الغريق قدام.
33- كل شاة معلقة من عصبتا.
34- قائل القبة تحتا فكي.
35- العندو الحنا يحنن ضنب حصانو.
36- العندو المعدية يقضي حاجته بالشرق.
37- سمحة المقدرة.
38- النية زاملة سيدا.
39- المابدورك في الضلام يحدر يعاين ليك.
40- السوق يحمدو الجالب.
41- القحه ولا صمت الخشم.
42- المابلقى شبهو المولى قبحو.
43- المعضيك مابسمع جعيرك.
44- الإضينه دقو وإتعضرلو.
45- الماعندو حظ في الكبدة يلقى عضم.
46- لالوبنا ولاعنب الشام.
47- كان أخوك حلقو ليه بل راسك.
48- النضم ليك يا المنطط عينيك.
49- شهرآ ما عندك فيه نفقة ولا تعد أيامه.
50- الزول يعجبو الصارو ولو ضارو.
51- الصقر أن وقع كتر البتابت عيب.
52- رخمتين كتلو صقر.
53 - الكترة غلبت الشجاعة.
54- أتنين لو قالو ليك راسك مافي اتبنه.
55- الماعندو كبير يشتريلو كبير .
56- الماعندو قديم ما عندو جديد.
57- ماندم مشاور.
58- التسوي تلقا والتصرو تطلقو.
59- البلدي المحن لابد يلولي صغارا.
60- كل اول ليه اخر.
61- جدادة الخلاء الطردت جدادة البيت.
62- الفولة بتتملي والبقارة بتجي.
63- بيجي الخريف واللواري بتقيف وتكتر علينا التعاريف.
64- دبيب في خشم جرادية ولا بيعضي.
65- حبل الكضب قصير.
66- الصح ينجي والكضب يحجي.
67- تعالي يا لالا شوفي اي كيف خربت عليا.
68- ينبح الكلب خوفآ علي ضنبه.
69- السفيه نبذ الباشا.
70- الفاضي يعمل قاضي.
71- لا فاضي في البنا ولا البناول الطين.
72- الما عارف يقول عدس.
74- الحجاز بدو عكاز.
75- يا داخل بين البصلا وقشرتا ايه ينوبك غير ريحتا
76- اهل البكا غفرو والجيران كفروا.
77- العاقل طبيب نفسو والجاهل عدو نفسو.
78- عيش يا حمار لمن تطلع النجيلة.
79- خت في بطنك بطيخا صيفي.
80- حلم الجعان عيش.
2
81- حلم أبليس في الجنة.
82- لالوب بلدنا ولا تمر الناس.
83- الجمل ما بشوف عوجة رقبتوا.
84- من كترت عقولنا ما أتعرفت أصولنا.
85- حكم القوي علي الضعيف.
86- صابون صقري بيصابون صقروا وسيدي بيسيدوا.
87- مجبورة خادم الفكي علي الصلاة.
88- الفيك بدربو والعيب أقدلبو.
89- البيته من قزاز ما يجدع الناس بالحجارة.
90-ان سرقت اسرق جمل وان عشقت اعشق قمر.
91- اربط الحمار محل يقولك سيدو.
92- سيد الزبدة كان قل ليك اشويها اشويها.
93- الحذر ما بنجي من القدر.
94- عريان طول عمرو اشتكي الترزي في نص يوم
95- غطي قدحك.
96- الزاد كان ما كفي البيت حرام علي الجيران.
97- الفقرا انقسمو النبقة.
98- الضفر عمروا ما يطلع من اللحم.
99- العين ما بتعلي علي الحاجب.
100- ود الفار يطلع حفار
المصدر موسوعة التوثيق الشامل
الأمثال الشعبية في دارفور
-1- نمر كان مات كلو جلدايتو أرقط
-2- دواني ما بودو لي بير
-3- كديِسة ما بتشال في طبق
4- -أبو القدح بعرفي محل بعضي أخيو
-5- شدرة كم مالت بِتكّي في أخيو
-6- الراجل برجالو .. المفنقل بسروالو .. والكريم بأم عيالو
-7- دنيا دبنقا دردقو بشيش
8- -جقلّو ما مشي عُرجّة
-9- الديك أجاويدو عيالو
-10- أب جنقور في فاشر ما عندو رأي
11-- سفر خريف وأكل تفاتيف وجيزة بني لفيف كله منو أقيف
-12- شدرة كن هوززت يا أبلاي يا هبوباي
13- -نعال بقديد ولا مرة بوليد
14-- أم سلمبيتي ولا كدكاى زول
-15-الرجال دناقر ما كُبر عناقر
-16- جرداي في سروال ولا بعضي إليّ قعادو ياشين
-17- ألمي حار ولا لعب قعونج
-18- مسكين جُدلاي درب
-19- ام جلخمة ما بأكل دردين
-20- الجوعان فورة البرمة قاسي ليهو
-21- أخوك كان زينوه بلي رأسك
22--المرا بدقو بأخيتو
23-- جمل ولا بعرفي عوجة رقبتو
-24- ابلاي برقبتو بربطو في صلبو مالوه
-25- بليلة مباشر ولا ضبيحة مكاشر
-26-عينو في فيل وبطعن في ضله
-27- أم بُلتيتي ولا تقلِّية زول
28- -دابي في خشمو جرداي ولا بعضّي
-29- ما تعضّي حلّووف وتملأ خشمك صوف
-30-زرع درب وتربية كلب وعامل دار غرب عشانهم ما تنكرب
-31- تربية كدايس وترديد حدايث وجيزة عجايز كل نقايص في نقايص
32--العندو بخور بتشم
-33- ِتلِصِّق طين في كرعين ما ببقى نعلين
34--عيال كان سكتوا يا غدور يا جرو
-35-أهلك كان كلاب بنبحو كلو أنبح معاهم
36 --هِيلك كان دابي كلو أربطي في صلبك
-37- السُنون عُضام والبُطون بُرام
-38- كان فاتوك في ذنب أتزوج مَرتَين وربِيّ كلب
-39-تِجِخجِخ سنون بِجيبي دم
40--اللحم بدمو والبنيه من بيت امه
-41- اللحم بدمو والبنيه بشمو
-42- أبياناً باين ولا جُوداً ملخلخ
43 --العندو قش في ضهرو ما بتكي في نار
44- -كبش ما بعرفي رأسو طاعم إلا في كلول
45--مسكين رأس تيس بملأ بيتو لحم
-46-الفُولة بتملئ والبقارة بجو
-47- حلة من في ده عجوز بموت
-48- الزعلان جرابو فاضي
-49-كل شوكاي بسلو بدربو
-50- الشريعة توب
51--سبلان ونقده جدادي
-52-أخوك كان قدامك أخير من نعال شين
53--أم دٌنقدُنق ما جري وتُفتُف ما مطر
54- -حُكم في ساق ولا مال في خنّاق
55--عِجِّيلي بِكِّر كَرِّين أبوه
-56-سفاهة أبو دِنِقا بخّلي خشمو وبعضّي بعنقرتو
-57-العود كان ما فيه شق ما بقول طق
-58-الما كسا أمو ما بكسي خالتو
-59-رأس ولا بشيلي جرين
http://goo.gl/frFeCV
- 60 -الخريف اللين من شوقارتو بين
-61- محل خيل مافين حمير بقلّبو
-62-البريدك بقشي ليك درب والباباك بشبشبي فيك كلب
-63-الشيطان غشاك وسويتي براك ، والله التسوي بايدك بغلب أجاويدك
-64- الكلام الغش وموية الرش ما بقوّم قش .
65- -جرداي ما بلزو في زرع
-66-ما في غزالاً ما قام جدي
-67-كديسه ما بحرّسو شرموت
68--الما بريدك ببردي شاي في أيدك
-69- شوكاي في رأس دابي ياتو بِسِليّ
-70-جبل ولا بحشو بجراي
-71- من أول ولا بلحيل ووطا بقى ليل
-72-زرّو زرّين كلب في دانقة
• 73- – غراب ولا بسِليّ عين أخيوّ
• 74- - الرأس ما كراس
-75-الما في أيدك بكيدك
• 76- - من دقنو وافتلى ليهو
• 77- - الخاف سلم
• 78-- الخواف ربى عيالو
• 79-- ماتبقى رأس يفلعوك وما تقبى ضنب يقطعوك
• 80-- درب الأمان للحول قريب
81-- البنط الحدود بلقى اللوالى السود والبتولق الدروب خلقه بشرّطي ليه عود
• 82-- أم بكيرية كاتل ولا دبرية باتل
83-- دابى سِمو ولابقتولى
• 84- ميت السني مابعيش للحول
• 85 - جرداى في أيدك ولا ألف طائر
• 86- - مرق مروق الجرداى من البخصة
• 87- - المحرّش ما بداوس
• 88- – ألمي بارد بقدي صعين
• 89- – ألمي بارد بمرقي دابي من جحرو
• 90- – كلاب كن داوسو بخت الأرنب
91- – ألمي حار ولا بقتلي عطش
92-- كن نادوك لا تباطئ وكن ما نادوك قوم قاطع .
93-- البكوس بلقى والبلدي بضوق الطلقة .
- 94- مرمي الله ولا بترفع .
-95-واقع البئر كم ولا لحقا حدو ولا بقيف .
96-- الدنيا يدقيك وطول الزمان يوريك وعدم القرش يمرقيك من بنات واليك .
-97 - زيتنا في بيتنا
--98 - الما منك بوريك جنك
http://goo.gl/frFeCV
- 99 - شوف المرأة ما بعيش مع خادمو بعيش مع سيدو .
ولا أنت من تيوسو ولا هي من غنمك – 100-
الدار الما دارك أرنبو بأكل عيالك-101-
-102- دق القرفة الجمل بعرفها
-103- حلاً باليدين أخير من حلاً بالسنون
-104 – الزمان كان طال تلقى ذبح الجمال
-105- العيش بدور ويرجع البابور
-106 – أوعك تصادر الدبة وأنت تجري .. وأوعك من الكوراك البدري .. وأوعك من جيزة بني فقري .
-107 – حوراركم دي كلو في دوانتي .
-108 –الناس لو بسوقو الدنيا بعود فأس أنت سوقي بعود جراي .
- 109- الجعلك حمار أنت أجعلو بعرو
-110 – السرقة وديان والمرأة وليان والسكر دريان
-111- قالو: البلد الدخل فيهو بوت ، شيل عيالك ومنو فوت .
-112 –: وقد قيل عن ) العزبة ( وهي المرأة ) المزواجة ( التي تهوى الزواج والطلاق :أول رجالو لحم سمين شية في طبق ، بصل ودوقة جنبو وأنت أكّالو ......تاني رجالو بنيّة مسّحوها دهناي ختوها في سيراي وأنت شوّافو .....تالت رجالو مطمورة ضريسة وأنت كحّالو .....رابع رجالو ساني الرمال وأنت حفّارو ....خامس رجالو أسد أم اللقو جناهو هناك ومسكوك اضانو .... سادس رجالو ساني كرو قطّاع حبالو وأنت قبالو ...... سابع رجالو زلطاي من سماء وأنت قصادو.
113—دقيق أبيض حق كرامة ولا بشتتو في بيت .
-114 - قربي فاضي بكركب .
-115 – رأس ولا بشيلي جرين .
- 116 – مرا كن فأس ولا بشقي رأس .
- 117 – الجاهل عدو نفسه .
-118 – بيع في صعن ولا ببقى .
- 119 – أب سنين بضحك على أب سن واحد .
- 120 – شغل ده كم ولا كتاب كلو بيتو .
- 121-الما عندو جمل ما بوادو جمل.
- 122- حيلك الشقي في شقاوتو أخير من بوبايتو .
- 123 – البتبع جداد بودوه لتندل ) الكوشة ( .
-124- لي تدقي كلب قدام سيدو .
- 125- البلد الما فوقو تمساح بقدل فوقو الورل .
-126 – القرد في عين أمه غزال .
ليست هناك تعليقات: